韜仔語錄

2012/1/23 (大年初一) 外星人

韜仔：「我哋都係外星人。」

爸爸：「點解？」

韜仔：「外星人睇我哋都係外星人嚟咁嘛！」

爸爸：「又係喎！」

後記：韜仔的外星人概念令我想起黎明的金句「核心嘅外圍就係核心嘅外圍」。

2012/1/13 韜仔打電話比爸爸

「喂媽媽，咁你『芒』唔『芒』呀？」

「我係爸爸喎！」

「唉呀！我想打電話比媽媽，打錯咗比你添，咁 bye-bye！」

2012/1/7 小一面試進行中

「你記唔記得你上次帶咗邊本書嚟呀？」

「記得。」

「咁本書叫做咩名呀？」

「Driving Buddies.」

「咁你係咪最鐘意嗰本書架？」

「係呀。」

「你真係最鐘意嗰本書架？」

「我真係最鐘意CARS嗰種書！」

「除咗英文書之外，你有冇睇中文書架？」

「有。」

「咁你最鐘意睇咩書架？」

「聊齋囉！」

「嘩～」

好彩爸爸最近買了一本聊齋同do-re-mi一齊睇，韜韜即刻好似好有品味！

2012/1/14 制作賀年食品－－拉椰糕

學校的工作、卓君考試、飛飛測驗＋家教會工作及韜仔小一面試令我足足忙了兩個多星期，今天終於可以輕鬆一下，明天再為學校及飛飛學校家教會的工作勞碌多一個星期左右。

一清早送了飛飛回校參加二胡班，步行到九龍城南角道買食材，然後去小一統一派位中心交表，阿天亦有參與，做我的「柴可夫斯基」。回家放低食材，接韜韜放學，韜韜說想早一點回家，不接家姐，於是我們由幼稚園跑回家，到步之後，韜仔就跟爸爸玩搖控車，我又要出發去接飛飛，在大閘碰見卓君學完琴回家，打個招呼又出去了。其實每個星期六也是這樣走來走去的，自卓君上了小四，他自行乘車／步行回家及課餘興趣班，我的負擔已經大大減輕了，不過還是忙個不停。

回正題，午飯後，阿天帶了do-re-mi去畫室，我一個人悠然自得在廚房蒸糕，這次算是大制作，因為已用盡廚房的最大的容器所有爐頭。拉椰糕的綠色是由班蘭汁做成的，今天有時間去九龍城，所以可以選用新鮮班蘭葉。用攪拌器把班蘭汁取出備用。由於制作比拍照重要，所以未能將整個制作過程盡錄。

打碎了的班蘭葉及隔渣後的班蘭汁

 

開邊綠豆煲焾壓爛

各種材料的容量比例是－－椰汁：木薯粉：粘米粉：糖：綠豆：班蘭汁＝4:2:1:1:1:0.5，班蘭汁及綠豆備用，椰汁、糖、木薯粉、粘米粉拌勻過篩，將混合物平分兩份，一份加綠豆蓉，一份加班蘭汁。

然後一層一層蒸，每層蒸四至五分鐘，分七至九層蒸好便可。我今天動用了兩隔蒸爐、一個鑊及一個打邊爐煲，每次蒸到總有一種材料剩下來，今次我便用月餅模試不分層蒸熟，試試口感如何。

  

忙了半天，有以下的制成品，有8底5”x4”、1底7"直徑、1底5”直徑、1底6”x4.5”及四個月餅仔大小的試驗品，好開心啊！