韜仔語錄

2012/2/11 廣華街搖控模型車店，爸爸與韜仔剛進入店舖。

韜：Uncle，你認唔認得我呀？我上次買咗架Bumble Bee嗰個呢！

老細：我唔認得你喎，不過我認得你爸爸。

同日晚上，韜仔在浴室一邊洗澡，一邊為某聖誕歌再譜歌詞，我和爸爸一邊聽，一邊笑。韜仔一出來，便走向我。

韜：媽媽媽媽，我作咗首新歌，一首送比你，一首比爸爸。

媽：嘩！多謝你喎，可唔可以唱比我聽呀？

韜：我祝媽媽新年快樂，身體健康，工作順利。

韜仔又跑去爸爸。

韜：我祝爸爸工作順利，身體健康和大吉大利。

其實也不是新歌，歌詞也不是次次一樣，總知就是寫揮春的祝賀語炒埋一碟。不過我們都甜在心頭。並叫他再唱多一次讓我拍短片，怎知他亦取出自己錄音筆來錄音。