晚上睡覺時～
爸爸：韜韜，你今天令哥哥唔開心．．．．．．
韜韜：唉呀！唔好講呢Ｄ嘢啦！
（爸爸轉其他話題．．．）
爸爸：韜韜，你今天令哥哥唔開心．．．．．．
韜韜：唉呀！都話唔好講呢Ｄ嘢咯！
－＊－＊－＊－
卓君韜韜在婆婆家吃下午茶，卓君的砵仔糕有問題，只吃了半個，婆婆覺得虧欠了卓君。
婆婆帶兩個孫去逛街，看見麵包店。
婆婆：（細細聲）卓君，你餓唔餓呀，我買個麵包你吃吖。
卓君：唔駛啦。
韜韜：婆婆，我好肚餓呀！
．．．
婆婆：（細細聲）卓君，不如食雪糕吖？
卓君：我冇做運動唔食雪糕啦。
韜韜：婆婆，我好想食雪糕呀！
．．．
經過了三、四次類似的對話後。
婆婆：（細細聲）卓君，不如食ＸＸ吖？
卓君：唔駛啦。
韜韜：婆婆，你話食咩話？
－＊－＊－＊－
在奧地利維也納一玩具店某一角落。
韜韜：係咪買玩具？
爸爸：我地唔係咩玩具都買架，要睇下係咪好特別，係咪香港冇得賣啦，價錢．．．
（韜韜一個箭步跑向前，走一圈，急急回來。）
韜韜：爸爸、爸爸，呢度Ｄ玩具全－－部香港都冇架！
No comments:
Post a Comment